Изградба на крак на регионалниот пат „Обиколница Вевчани – Југ“

by | Мар 19, 2020

Денес градоначалникот на општина Вевчани Сашо Јанкоски, беше на увид на започнувањето на уште еден многу значаен проект за општина Вевчани кој беше и приоритетен проект од неговата предизборна програма.

Реализацијата на овој проект опфаќа изградба на пат кој е значаен не само за жителите на општина Вевчани, туку и за околните населби. Во текот на денешниот ден се одпочна со пробивање и проширување на кракот на регионалниот пат, кој е познат како обиколница Вевчани – Југ, или фабрика Вевчанка – Здравствен Дом др Светозар Чочороски – Вевчани. Инвеститор на истиот е ЈП за државни патишта. Со изградбата на овој пат се очекува да се растерети сообраќајот низ општина Вевчани и да се овозможи побрз пристап до услугите на здравствениот дом во Вевчани.

Градежната офанзива во Вевчани продолжува!

 

Заклучоци од одржан состанок на Кризен штаб во општина Вевчани

by | Мар 16, 2020

  • Општина Вевчани ќе врши прием на странки  од 9 до 12 часот во посебна приемна соба на влезот во општина.
  • Градоначалникот на општина Вевчани ги откажува отворените денови за прием на странки во кабинетот, се додека трае ваквата состојба и препораките на Министерството за здравство, да се објават телефонските броеви за контакт.
  • Да се објават телефонски броеви за помош на стари изнемоштени лица кои не можат да излегуваат од своите домови.
  • Во пазарниот ден четврток, во Вевчани нормално ќе функционира пазарот со препорака да се спречат поголеми собири на граѓаните и истите да не се задржуваат подолго време во пазарот. После пазарот просторот детално да се измие со хидрант.
  • Да се зголеми чистењето на јавните површини со хидранти, се до смирување на состојбата со корона вирусот.
  • Здравствениот дом во Вевчани да изготви Соопштение  каде ќе информира дека се редуцираат на минимум  специјалистички прегледи кои биле закажани во овој период и сите други прегледи кои не се итни да се избегнуваат. (истото соопштение ќе биде објавено и на ВЕБ страната на општината и до локалните портали.)
  • Сите пациенти кои ќе осетат симптоми на корона вирус (покачена температура, сува кашлица) да се јават во Центар за јавно здравје во Охрид на следниот телефонски број 070/723-029.
  • МВР, ПС Велешта ќе ја следат состојбата со ангажирање на патролни служби и ќе има засилени мерки и контроли за сузбивање на поголеми групи по излетнички места и слично, но и ќе ја следат состојбата при влез на возила и граѓани во општината.
  • Се задолжуваат сите институции кои спаѓаат под локалната самоуправа да извршат дезинфекција во седиштата на сите институции и училиштата пред почетокот на наставата.
  • Се задолжува ООУ Страшо Пинџур – Вевчани да најдат начин за изведување на алтернативна настава преку електронско учење од страна на професорите и учениците.
  • Општина Вевчани, заедно со Црвениот Крст, невладини организации (планинарското друштво, КУД Дримкол, подмладоците на политичките партии да обезбеди списоци на доброволци – волонтери  и да се формираа тимови за помош на изнемоштени, хронично болни и стари лица заради купување на намирници и лекови.
  • Се апелира до автопревозникот Сприја Вевчани, кој врши општински линиски превоз на патници, строго да се придржува кон мерките и да врши редовна дезинфекција на возилата, а патниците да се самозаштитат
  • Секој граѓанин на Вевчани да се грижи за своите животни и да ја одржува нивната хигиена.
  • Апел да се почитуваат препораките од Министерството за здравство.
  • Апел да се избегнуваат собири на граѓани во продавниците, бензинските пумпи, организирање на забави во приватни домови на поголеми групи на млади, како и во излетничките места во општина Вевчани.
  • МВР односно ПС Велешта да ги  извести и предупреди лицата кои доаѓаат од ризичните земји зафатени од корона вирус,  а кои не се придржуваат до препораките на Владата да останат во самоизолација наредните 14 дена.
  • Апел до населението разумно да се купуваат прехрамбени продукти во локалните продавници и притоа да ги почитуваат препораките за безбедно растојание

ИЗВЕСТУВАЊЕ!

by | Мар 15, 2020

Почитувани граѓани на општина Вевчани!

🚨Заради новонастанатата состојба во Државата и подигнатиот степен на подготвеност и превенција во справување со корона вирусот, Општина Вевчани формира мобилен тим 🚗 за помош на сите стари и изнемоштени лица и лица со посебни потреби од општината, се со цел да не остваруваат непосреден контакт со останатите луѓе и да не се изложат на дополнителна опасност од инфицирање со Covid 19 (Корона вирус).
📳 Секој граѓанин од наведените категории, кој има потреба од набавка на потребни лекарства, прехрамбени производи и средства за хигиена ќе може да телефонира и да побара помош со повик на следните телефонски броеви:
☎️ 070-302-491
☎️ 046-784-640
По повикот , во вашиот дом доаѓа мобилниот тим 🚗 од општина Вевчани и ќе ја прими вашата нарачка со потребните неопходни средства за купување и за кратко време ќе бидете услужени, а самите граѓани ќе си ги покријат трошоците за продуктите, а услугата на мобилниот тим не се наплаќа.
🙏Ги замолувам сите граѓани на општина Вевчани , да помогнат и да ја споделат оваа информација на оваа група на граѓани.
#МОБИЛЕНТИМ
#ОпштинаВевчани
#Вевчани

  

 

Министерот за транспорт и врски Горан Сугарески во работна посета на Општина Вевчани

by | Мар 12, 2020

Денес во работна посета на градежната офанзива на територијата на општина Вевчани беа Министерот за транспорт и врски Горан Сугарески и Директорот на Јавното претпријатие за државни патишта Зоран Китанов при што извршија увид на рехабилитациите на патиштата што се работат во овој крај. Меѓу нив и регионалниот пат од Вевчани преку Октиси што се поврзува со граничниот премин Ќафасан, инвестиција од околу 700 илјади евра.

Со новите средства алоцирани од Владата, односно Министерството за транспорт и врски, продолжуваме со градење на уште многу патишта за доброто на сите вевчанци!

Одржана првата форумска сесија во општина Вевчани

by | Мар 5, 2020

Денес во просториите на Младински центар – Вевчани се одржа првиот проектен форум на општина Вевчани. На форумската сесија беа предложени проблеми и решенија од повеќе области – образование, детска заштита и згрижување, социјални политики, животна средина, НВО, земјоделство и др. од кои произлегоа околу 10 проектни идеи, кои ќе се работат на следните форумски сесии.

На првата форумска сесија учествуваа околу 30-тина учесници а присуствуваа и  Градоначалникот на општина Вевчани г-дин Сашо Јанкоски, Претседателот на Советот на општина Вевчани  г-дин Душко Ѓурчески и проектениот менаџер од УНДП г-ѓа Лејла Небиу кои се обратија до присутните и го поздравија спроведувањето на проектот во општина Вевчани.

Одржувањето на форумските сесии во Општина Вевчани, заедно со обуките за советниците се дел од проектот „Зајакнување на општинските совети“. Целокупниот проект изнесува 3,4 милиони швајцарски франци, финансиран од Швајцарската агенција за развој и соработка и истиот е имплементиран од УНДП во партнерство со Министерството за локална самоуправа, Министерството зa финансии, Заедницата на единиците на локалната самоуправа, Здружение на финансиски работници и UN Women.

По успешното спроведување на проектот, завршувањето на обуките од страна на советниците и завршувањето на форумските сесии, годинава општина Вевчани ќе добие два гранта – 50.000 швајцарски франци за приоритетни проекти кои ќе ги изберат граѓаните преку форумски сесии и 12.000 швајцарски франци за имплементација на иновативни IT решенија за зголемување на транспарентноста и отчетноста на општината и работата на Советот.

Целта на форумот кој се одржа на тема Социјална инклузија, е зголемување на учеството на граѓаните во процесот на донесување на одлуки на локално ниво. Форумот е алатка за учество на граѓаните во подготовка и избор на приоритетни проекти и истиот има за цел да го подобри животот во заедницата, преку взаемна соработка на општината и граѓаните.