Започнавме со поплочување на улицата „Алулој – Гогој 1“, улица која до сега беше со кал а ќе биде поплочена со камени плочи во автентичен амбиент кој одлично се вклопува во традиционалните стари градби во Вевчани. Средствата за изградба на оваа улица се обезбедени преку Центарот за развој на југозападниот плански регион. Во наредниот период продолжуваме со изградба и реконструкција и на други улици низ Вевчани.
На 16.10.2019 година со почеток во 17:00 часот во зградата на Општина Вевчани, Клуб на пензионери – Вевчани се одржа Енергетска трибина организирана од Стопанска комора за енергетика на Македонија заедно со Општина Вевчани.
На трибината одржаа говор, Градоначалникот на Општина Вевчани г-дин Сашо Јанкоски, Претседателот на Стопанската Комора за енергетика на Македонија г-дин Ѓорѓи Манасков, Државен инспектор за животна средина г-ѓа Лидија Зафировска, Вице-Претседател за Централна Македонија на Стопанската комора за енергетика г-дин Ристо Каракашев, ЕСКО компанија за улично осветлување од ЕУ- Хрватска г-дин Томислав Грива.
Присутните компании и граѓани на оваа трибина беа информирани за новите случувања во енергетскиот сектор, како и за можноста за инвестирање во обновливи извори на енергија, фотоволтаици, хидроцентрали, можностите за искористување на грантови преку ИПАРД и други фондови, премиум тарифи, откуп и продажба на електрична енергија. Исто така на трибината беше презентиран и модел за јавно осветлување претставен од г-динот Грива од ЕСКО компанијата за улично осветлување од Хрватска. Стопанската комора за енергетика ја нагласи својата подготвеност за соработка при спроведувањето на енергетски мерки кои се во склоп на нивната дејност, како и да му се помогне на секој граѓанин или компанија кои имаат проблем во енергетиката или сакаат да инвестираат.
На ден 16.10.2019 година ( среда) во 17.00 часот во општина Вевчани се одржува
ЕНЕРГЕТСКА ТРИБИНА од Стопанската Комора за Енергетика на Македонија
заедно со ОПШТИНА ВЕВЧАНИ.
Целта е подобрувањена на ЕНЕРГЕТСКАТА – ФИНАНСИСКАТА И ЕКОНОМСКАТА
состојба на општината како и на граѓаните и компаниите во општина Вевчани.
На трибината ќе одржат говор:
1) Градоначалникот на Општина Вевчани – Гдин Сашо Јанкоски,
2) Претседателот на Стопанската Комора за енергетика на Македонија – Гдин Ѓорѓи Манасков,
3) Државен инспектор за животна средина – Г-ѓ а Лидија Зафировска,
4) ЕСКО компанија за улично осветлување од ЕУ-Хрватска – Гдин Томислав Грива,
Ги покануваме сите членови и компании од Стопанската Комора за Енергетика во Македонија, како и заинтересирани граѓани и компании кои имаат можност и интерес да дојдат на енергетската трибина која ќе се одржи во зградата на Општина Вевчани.
Ве очекуваме
Денес започнаа градежните активности за изградба на пешачката улица „Ќежој“.
Продолжуваме со изградба на локалните улици и пешачки патеки низ Вевчани.
Со тоа ја продолжуваме кампањата која ви ја ветивме “Вевчани без кал”. Средствата за изградба на улицата „Ќежој“ со должина од 95 метри, се обезбедени преку Центарот за развој на југозападниот плански регион.
Во рамките на Манифестациите кои се одржуваат секоја прва недела во месец Октомври – ДЕТСКА НЕДЕЛА, денес во посета на градоначалникот Сашо Јанкоски беа дечињата и вработените во ЈОУДДГ “Планински цвет”- Вевчани.
Како мал допринос за исполнување и збогатување на содржината на дневниот престој на најмалите, градоначалникот Јанкоски од името на општина Вевчани им подари едукативни прирачници и сликовници за нивната нова мини библиотека.
Градоначалникот Сашо Јанкоски истакна дека во секоја наредна прилика во рамките на можностите на општината ќе помагаме во збогатување на фондот на детската библиотека, бидејќи децата се нашето најголемо богатство, нашата гордост, нашата радост и нашата иднина.
.
Успешно реализирана еко акцијата за чистење на вевчанска река на потегот „Вевчански извори“ – „Пешински мост“. Граѓаните кои се одзваа на повикот на градоначалникот на општина Вевчани, Сашо Јанкоски, покажаа дека Вевчани има граѓанска свест за чиста животна средина. За време на акцијата беше собрано и отстрането ѓубрето по течението на реката и во реката.
Еко-активистите испратија апел до локалното население и посетителите да не фрлаат отпадоци во реката за да ја оставиме чиста и за нашите деца. Нека ваквите акции бидат пример за сите и силен апел дека треба да се грижиме за животната средина затоа што таа нам ни е потребна.
