by stojan | Јул 31, 2019
Министерот за локална самоуправа Горан Милевски и градоначалниците на Југозападниот плански регион денеска во Струга потпишаа договор за финансирање на центарот за развој на Југозападниот плански регион за 2019 година.
Со овој договор, како што истакна ресорниот министер, ќе се утврдат активностите на центарот и ќе финансираат активности од 1,2 милиони денари за реализација на планскиот регион. Дел од финансирањето е на Министерството за локална самоуправа, а дел на општините. Центарот за развој на Југозападниот плански регион, додаде, има обврска да ги подготви проектите со кои регионот ќе може да аплицира за наредната буџетска година.
Во рамки на обраќањето пред градоначалниците, Милевски ги информираше дека Владата, годинава двојно ги зголемила средствата за поддршка на регионалниот развој од 2017 година.
-Владата ги зголеми средствата за поддршка на регионалниот разовј од 3,5 милиони евра во 2017 година на седум милиони. Од тие средства за Југозападниот плански регион се оддеелија 53 милиони денари за финасирање 10 проекти од кои по три се за развој на регионот и на подрачја со специфични развојни потреби и четири за развој на селата, појасни Милевски.
Пред 10-тина дена, подвлече, почнале со палнирање на новиот циклус за проширување на децентрализацијата.
-Проширувањето на децентрализацијата ќе се одвива во три дела со давање на ингеренциите од централната власт на локалната. Децентралзиацијата ги опфаќа Законот за рамномерен регионален развој, фискалната децентрализација и какви измени би можеле да се нарават при делувањето на локалната самопурава и градоначалниците, додаде Милевски.
Градоначалникот на општина Струга и претседател на Југозападниот плански регион Рамиз Мерко забележа дека со Законот за рамномерен регионален развој треба повеќе средства да се издвојуваат за општините.
by stojan | Јул 27, 2019
Почитувани;
Општина Вевчани во рамките на проектот кој го спроведува Еко Свест, го унапреди и подобри општинскиот WEB портал, Новата WEB страна е изработени според најновите стандарди за информирање и достапност на информациите.
by stojan | Јул 27, 2019
После повеќе од дваесет години, конечно реконструкција на улицата ДАСКАЛОЈ – ПАРТАЛОЈ.
На 142-ра седница на Владата се донесe одлукa:
За доделување на средства за финансирање на проекти за развој на селата во 2019 година.
Општина Вевчани во оваа мерка доби средства за реконструкција на делница на улица Даскалој 1 (Бералиште – Даскалој спој со павер елементи – бехатон)
Овој правец во должина од 243 м, поради големите оштетувања на завршниот асфалтен слој кој е стар преку дваесетина години, конечно после толку години ќе се реконструира со камени плочи, кои амбиентално одлично ќе се спојат со старата архитектура на овој потег.
Ја користам приликата јавно да му се ЗАБЛАГОДАРАМ на Заменик Министерот Дејан Павчески за добивањето на средствата за двата толку значајни проекти за Вевчани, Паркот пред општинската зграда и улицата Даскалој 1. Без Ваша неизмерна помош овие два проекти немаше да го видат светлото на денот. Со ова покажавте дека сте човек од ЗБОР. Уште еднаш Ви Благодарам од името на сите вевчанци за овие два проекти. – изјави градоначалникот Јанкоски.
ЗБОРОТ СЕ УШТЕ ВАЖИ!
ПРОДОЛЖУВАМЕ!
by stojan | Јул 25, 2019
Согласно Законот за заштита на населението од заразни болести (Сл. весник на РМ 66/2004, 139/2008 и 99/2009,149/2014 и 15/2015), а врз основа на одлуката на Советот на општината за спроведување на превентивна систематска дезинсекција на територијата на општина Вевчани како општа противепидемиска мерка ЈЗУ Центар за јавно здравје Охрид го издава следното соопштение:
Се известуваат граѓаните кои одгледуваат пчели на подрачјето на општина Вевчани дека на ден 29.07.2019 година ( понеделник ), екипите на Центар за јавно здравје Охрид ќе спроведат теристичка (од земја) дезинсекција со цел уништување на комарците. Запрашувањето ќе се врши во период од 19:00 до 04:00 часот со апарат за УЛВ ладно запрашување.
Со дезинсекцијата ќе бидат опфатени: зелените површини во Општината, пречистителниот каскаден таложник на канализационен систем, крајбрежјето на вештачкото езеро „Јанков камен“, околината на Вевчанските извори, урбаната населба Вевчани, како и останатите локалитети предвидени во планот и програмата.
Се молат пчеларите и пчеларските задруги да ги превземат соодветните мерки за заштита на пчелите.
Во случај на појава на неповолни временски услови (ветар, дожд) дезинсекцијата се одложува за следниот поволен ден.
За сите информации и прашања отворен телефон за контакт во Центарот за јавно здравје Охрид е 231-881 и 230-231.
Со почит,
ЈЗУ Центарот за јавно здравје Охрид
by stojan | Јул 21, 2019
Во рамките на проектот „Воспоставување на мониторинг и менаџмент систем за споменик на природата Вевчански извори“ кој го спроведува Еко-свест во партнерство со Општина Вевчани и еколошко-планинарското здружение „Церн Камен 2257“ од Вевчани, изградивме и видиковец во месноста “Голина”.
Посетете го и уживајте во прекрасната глетка
by stojan | Јул 21, 2019
Започнува со реализација проект кој е инспириран од живите ритуали и човекот и значењето на човекот кој секако се наоѓа во центарот на овие ритуали.
Кога нè поканија како организација да бидеме дел од овој проект веднаш помисливме на богатството на Вевчанскиот карневал, а секако и на вевчанската култура (како значаен сегмент во негување на македонската митологија). За таа цел одлучивме подготовките на проектот, а секако во иднина и дел од проекто, да се случува во Вевчани и со вевчанци.
Проектот Wilder Mann- Сликата на дивиот човек, предвидува рефлексија на употребата на маските во ритуалите.
Крајниот продукт- претставата се очекува да се развие низ истражувања и соработка со оние кои денес се дел од овие ритуали и ја одржуваат во живот колективната меморија на својот народ. Тие самите ќе бидат актерите во претставата.
За таа цел, драги наши, ве известуваме дека на 23 и 24 јули во Вевчани ќе се спроведуваат интервјуа со заинтересираните. Единствен услов е да носите некоја од традиционалните маски (да сте биле дел од карневалските случувања) и да имате повеќе од 18 години.
Интервјуата ќе ги спроведе режисерот на претставата, Марко Мартинс, а ќе биде присутен и продуцентот Ренцо Барсоти.
Заинтересираните можат да се пријават на [email protected] со испраќање име, презиме и телефонски број.
Со почит,
Тимот на Артопија
,,Современиот свет станува отровен. Глобална мрежа. Се чувствувам сиот врмежен и изоиран, истовремено дисконектиран и премногу конектиран. Се чувствувам како да живеам во фабрика, и вистински и виртуелно- за храна, санитарна, морална и филозовска.Има толку да се прочита, а премногу од тоа е глупаво и лажно. Веќе не знам дали јас сум тој што конзумира или јас сум тој што е конзумиран.(…)Веќе е тешко да се движиме и за брзо ќе се бориме за воздух. Се губиме самите и ги губиме другите. Се чини дека не добиваме ништо во замена на она што го губиме.̋
Wilder Mann- Charles Fréger
