Денес на ново изградената сервисна улица С4, поставивме и нови лед канделабри за подобро и поекономично осветлување. Општина Вевчани полека но сигурно го реализира проектот “Вевчани без кал”.
Денес градоначалникот на општина Вевчани, Сашо Јанкоски беше на увид во асвалтирањето на улицата “Даскалој – Обиколница”. Завршена е првата фаза од овој проект. Жителите на оваа улица кои повеќе од 40 години газеа во кал од денес добија нова асфалтирана улица. Градоначалникот Јанкоски истакна дека проектот “Вевчани без кал” нема да запре тука и дека нема да сопре се додека не ја асфалтираме и последната уличка во Вевчани!
Започнавме со изградба и на канализационата линија “Трафо – Бубаној – Смолејца” фаза 2. Претходно овој канализационен крак беше изграден со самопридонес на граѓаните во осумдесетите години на минатиот век. Тргнувајќи од развојните потреби Вевчани да ги достигне европските стандарди на живеење, општина Вевчани ја гради оваа нова канализациона линија, при тоа зголемувајќи го развојно профилот на канализационата линија од ф110 мм на ф250 мм.
Реализацијата на овој проект е предуслов за реализација и на проектот кој ќе се реализаира понатака, а тоа е реконструкција и на улицата “Трафо – Бубаној – Смолејца”.
Со овој капитален проект, овој дел од населбата Вевчани ќе добие канализациона линија по сите норми и прописи.
Вкупната сума за реализација на оваа фаза е 1.750.000 денари, од кои 1.500.000 се средства обезбедени преку Бирото за рамномерен регионален развој, а остатокот се сопствени средства на Општина Вевчани.
п
Севкупната должина на овој регионален крак е околу 1 километар и вредност од 325 000 евра. Околу 650 метри е комплетно нов пробиен пат, започнувајќи од пробивање, земјени работи до фаза на асфалтирање, додека остатокот е реконструкција на претходно пробиен и асфалтиран пат од 2005 година. Средства се обезбедени од буџетот на Јавното претпријатие за државни патишта (ЈПДП).
Се апелира до угостителските објекти на територијата на Општина Вевчани во период од една недела доброволно да ги затворат угостителските објекти, или доколку не се во можност истото да го сторат, најстрого да ги применуваат препораките за дистанца, носење маска, дезинфекција и максимум дозволен број гости во своите локали.Се апелира до маркетите и продавниците на територија на општина Вевчани најстрого да ги применуваат мерките за максимален дозволен број на купувачи кои можат во исто време да се во објектот. Обавезно дезинфицирање на влез во објектот, задолжително носење заштитна маска.Се апелира до граѓаните на општина Вевчани без нужна потреба да не ги напуштаат своите домови, да не практикуваат славење на куќни слави, свадби, веридби, родендени и слични групирања во овој период се до смирување на пандемијата. Граѓаните максимално совесно да ги применуваат мерките за заштита.Бараме од полицијата и инспекциските служби поревносно да ги спроведува законските мерки во однос на носење на заштитни маски, групирање и држење на социјалната дистанца.Посебен акцент да се стави на проверка на луѓето кои се во изолација или се ковид позитивни, а не се придржуваат до истата. Бараме истите најстрого да се санкционираат.Почитувани,
Ве известувме дека на ден 12.11.2020 година (четврток), ЈП „Еремја“ Вевчани ќе врши дезинфекција на улиците, шеталиштата, урбаната опрема, контејнерите и корпите за отпадоци на подрачјето на Општина Вевчани. Дезинфекцијата ќе започне во 20:00 часот, почнувајќи од Здравствен дом – Вевчани, потоа основното училиште, детската градинка, центарот на Вевчани и улиците.
За таа цел апелираме до граѓаните на општина Вевчани да ги тргнат своите возила од јавните површини или да ги паркираат во игралиштето во центарот на Вевчани.
Ви благодариме за соработката
Општина Вевчани
