by Општина Вевчани | Авг 10, 2020
На 07.08.2020 година, во просториите на ООУ „Страшо Пинџур“ Вевчани, се одржа Втората форумска сесија во општина Вевчани, за идентификација и утврдување на предлог концепти и спроведување на предлог проект како дел од отворената грантова шема од проектот „Зајакнување на општинските совети“ финансирана од Швајцарската агенција за развој и соработка, а спроведувана од УНДП во партнерство со Министерството за локална самоуправа, Министерството зa финансии, Заедницата на единиците на локалната самоуправа, Здружение на финансиски работници и UN Women. При организирањето на форумската сесија беше спроведуван Протокол на мерки на безбедност за одржување на форумски сесии во услови на ризик од Ковид-19. Согласно протоколот, запазени беа сите здравствени протоколи, односно мерење температура при влез во просторијата, физичка дистанца, носење заштитни маски, користење средства за дезинфекција.
Учесниците на денешната сесија презентираа 5 проектни идеи, кои беа утврдени на првата форумска сесија. Предлог концептите се однесуваа на „Aдаптација и пренамена на просториите на објектот Детска Градинка ЈОУДДГ ‘Планински Цвет’ – Вевчани“,„Нагледни средства за децата од ООУ ‘Страшо Пинџур’“,„Пристапни патеки во училиштето“, „Реновирање на Дневниот центар за стари изнемоштени лица и пензионери“, „Селектирај и допринеси за заедницата – поставување на канти за отпад“. Дополнително на форумската сесија беше предложен и предлог концепт кој се однесуваше на набавка на материјали и средства за работа за справување со пандемијата Ковид 19.
Присутните граѓани со своите активности поврзани со форумот ќе овозможат да се имплементира проект поддржан од граѓанскиот сектор во износ до 2,7 милиони денари, односно 50 илјади швајцарски франци.
Третата форумска сесија ќе се одржи на 12.08.2020 година во просториите на ООУ „Страшо Пинџур“ Вевчани.
by Општина Вевчани | Авг 7, 2020
Денес од страна на Општина Вевчани и докторантот на Универзитетот во Мичиген, наш познат бизнисмен во САД и автор на Крипто Личникот господинот Јордан Стојановски, лансирана е првата крипто валута на Република Вевчани – Крипто Личникот. Вкупната количина на Крипто Личници што се планира да се емитува e 100 милиони, но тие се издаваат најрано во текот на првите 12 години по лансирањето. При самото лансирање се издаваат 20 милиони од кои 10 одат кај авторот за користење на сопствена промоција, а 10 милиони Општина Вевчани може да ги издаде одма за било која цел. Останатите 80 милиони Крипто Личници се генерираат равномерно во следните 12 години.
Како први добитници на Крипто Личници за несебичниот ангажман во враќање на Општина Вевчани како и понатамошно нејзино промовирање се доделуваат на следните лица:
- Васил Ј.Радиноски
- Косто Србакоски
- Симун Лешоски
- др. Благоја Парталоски
- Секула Баткоски
Да живее Вевчани и духот вевчански!
Да не чува личникот!
За многу години!
by Општина Вевчани | Јул 31, 2020
Општина Вевчани, во соработка со УНДП, преку проект финансиран од Швајцарската агенција за развој и соработка (SDC), Ве поканува на Проектен форум.
Втората сесија од Проектниот форум ќе се одржи во петок, 07.08.2020 год., со почеток во 14:30 часот, во ООУ „Страшо Пинџур“ – Вевчани.
Целта на форумот е зголемување на учеството на граѓаните во процесот на донесување на одлуки на локално ниво. Форумот е алатка за учество на граѓаните во подготовка и избор на приоритетни проекти.
Присутните граѓани на форумот ќе имаат можност да предлагаат и да изберат приоритетни проекти за општината, кои ќе се финансираат од проектниот фонд во износ од 50.000 швајцарски франци (CHF).
Забелешка: Во услови на ризик од Ковид-19 пандемијата, организаторите ќе превземат мерки за заштита за време на форумската сесија, но апелираме и до учесниците:
- Да одржуваат безбедна дистанца;
- Да носат заштитна маска цело време (покриени се носот и устата);
- Да не учествуваат на сесијата доколку имаат висока температура или други симптоми карактеристични за Ковид-19.
„ЗАШТИТИ СЕ! – ДИСТАНЦА, МАСКА, ДЕЗИНФЕКЦИЈА. ЗА ЗДРАВЈЕТО СЕ РАБОТИ“
by Општина Вевчани | Јул 8, 2020
Се известуваат граѓаните кои одгледуваат пчели на подрачјето на општина Вевчани дека на ден 10.07.2020 година (петок), екипите на Центарот за јавно здравје Охрид, ќе спроведат теристичка (од земја) дезинсекција за уништување на комарците. Запрашувањето ќе се врши во периодот од 19:00 до 04:00 часот.
by Општина Вевчани | Јун 30, 2020
Денес, во посета на Вевчани беше Министерката за одбрана и Вицепремиерка – Радмила Шекеринска.
Во склоп на оваа работна посета градоначалникот Сашо Јанкоски и вицепремиерката Радмила Шекеринска, извршија увид во изградените објекти, како и проектите кои се во завршна фаза од изградбата.
Вицепремиерката беше воодушевена од преубавата природа како и од новата планинарска куќа финансирата од ГИЗ и реализирана од планинарското друштво “Церн Камен 2257” – Вевчани преку проектот “Реконструкција и опремување на планинарската куќа во модерен планинарски дом”- Јанков Камен. Овој планинарски дом ќе можат да го користат сите љубители на природата.
Во рамките на посетата беше извршена и еколошка акција со помош на младината.
Со градоначалникот Сашо Јанкоски ја посетија и пречистителната станица за отпадни води во Вевчани, која е во завршна фаза и со која инвестиција го решаваме долгогодишниот проблем со загадување на огромната земјоделска површина во овој регион. Реализацијата на проектот ќе придонесе кон подобрување на имиџот на општина Вевчани како еколошки чиста дестинација, а ќе претставува и позитивен пример за рурална општина која во целост го решила проблемот со изградба на канализационен систем, третман и прочистување на отпадните води. Проектот се спроведува преку УНДП и е финансиран преку ЕУ. Неговата вредност е околу 17 милиони денари.
Извршија увид и на градежните активности на Обиколницата на регионалниот пат Југ-Вевчани чија изградба е во тек и се очекува да заврши многу брзо. Вицепремиерката истакна дека како централна власт се насочени кон решавање на инфраструктурните проблеми на населението. Со изградбата на овој крак на регионален пат ќе се разреши долгогодишниот проблем на поврзаност со Здравствениот дом на жителите од Вевчани, Велешта и Лабуништа. Досега приодот до здравствениот објект се одвиваше по заобиколен и многу подолг пат со што беше отежнато давањето на здравствени услуги.
