by Општина Вевчани | Мај 15, 2025
Со голема радост Ве покануваме на свеченото отворање на новиот детски парк во Вевчани со проследено со танцови точки на нашите ученици и дружба со вашите омилени ликови од цртаните филмови: Мики Маус, Мини Маус, Елза и Чеjс Време е за детска смеа, игра и радост под отворено небо – затоа ве очекуваме сите, мали и големи, заедно да го одбележиме овој значаен момент за нашата општина.
19.05.2025 (понеделник) 
10:00 часот
Да создадеме нови спомени за нашите најмлади – Вевчани заслужува!
by Општина Вевчани | Мај 7, 2025
|
На ден 09.05.2025 год.(Петок) на територијата на Општина Вевчани е предвидено да се спроведе ларвицидна дезинсекција која има за цел уништување на ларвите на комарците заради спречување на ширењето на заразни болести каде како вектори се јавуваат истите.
Според документацијата за набавка на услуги ќе се поминат бараните локации со вкупна површина од 6050 м².
Третманот против ларвицидна форма на комарци ќе се изврши терестички со употреба на гранули, за таа цел ќе се користи препаратот BIOPREN 4GR по упатство за употреба од производителот, во однос 0,3 кг/ха.
Прва пролетна дератизација според документацијата за набавка на услуги ќе се поминат сите предвидени локации со предвидени 30 шахти за третирање
Третирањето на површините ќе биде изведено од 10:00 до 16:00 часот само под добри временски услови поради ефикасно извршување на третманот. Доколку, временските услови не дозволат да се спроведат третманите на дезинсекција и дератизација, тогаш истите ќе бидат одложени за наредниот ден или евентуално за некој нареден ден со поволни временски услови. |
by Општина Вевчани | Фев 28, 2025
ОПШТИНА ВЕВЧАНИ
Одделение за урбанизам, комунални работи, заштита на животната средина и ЛЕР
бр. 10 – 66/3 од 28.02.2025 г.
Врз основа на член 93 став (1) од Законот за урбанистичко планирање (“Служен весник на РСМ“ бр. 32/20), Градоначалникот на Општина Вевчани го објавува следното:
СООПШТЕНИЕ ЗА ОРГАНИЗИРАЊЕ НА ЈАВНА ПРЕЗЕНТАЦИЈА И ЈАВНА АНКЕТА ПО УРБАНИСТИЧКИ ПРОЕКТ ВОН ОПФАТ НА УРБАНИСТИЧКИ ПЛАН ЗА ЛИНИСКА ИНФРАСТРУКТУРНА ГРАДБА
Се известуваат сите правни и физички лица, државната управа, научните и стручните организации, невладини организации и други дека се организира Јавна презентација и Јавна анкета по Урбанистички проект вон опфат на урбанистички план за линиска инфраструктурна градба: Новопланиран СН10(20)кV кабелски подземен вод од постојна трафостаница ТС 35/110kV на КП 2788/2 КО Вевчани вон г.р., до кабелска спојница на КП 7162 КО Вевчани вон г.р., во Општина Вевчани, изработен од страна на ДПТУ “Електро Дизајн“ дооел Охрид со тех. бр. Е-225/24-уп, со кое, предложеното планско решение се става на увид и проверка на широката јавност.
Горенаведениот Урбанистички проект вон опфат на урбанистички план за линиска инфраструктурна градба ќе биде достапен за увид на пошироката јавност и јавно презентиран:
– во печатена форма во општинската зграда – Одделение за урбанизам, комунални дејности, заштита на животната средина и ЛЕР, втор Кат, од 28.02.2025 год. до 15.03.2025 год., секој работен ден од 10.00 до 14.00 часот и
– во дигитална форма на ВЕБ страната на Општина Вевчани www.vevcani.gov.mk
во рок од 15 дена од денот на објавување на ова соопштение.
Заинтересираните физички лица, правни субјекти, надлежни институции, научни и стручни организации, невладини организации и други можат да достават свои забелешки, предлози и мислења на Урбанистичкиот проект вон опфат на урбанистички план за линиска инфраструктурна градба.
ОПШТИНА ВЕВЧАНИ
Градоначалник,Спасе Кочовски
Изработил:
Љупчо Мукоски, диа
Соопштение пдф
Урбанистички проект вон урбанистички план за инфраструктура градба
