by Општина Вевчани | Дек 11, 2024
Општина Вевчани изврши санација и реконструкција на постоечката дотраена урбана опрема во излетничко место Јанков Камен. „Ќе продолжиме да се грижиме за природата и да им овозможиме на сите посетители да уживаат во убавините на оваа прекрасна локација“ – истакна градоначалникот на општина Вевчани, Спасе Кочовски
Проектот се реализира со финансиска поддршка од
PONT, а целта на оваа активност беше да се обнови опремата за поголема удобност на туристите кои го посетуваат ова прекрасно природно богатство.
Со новите подобрувања, Јанков Камен ќе биде уште попривлечен за сите љубители на природата и активниот туризам!
by Општина Вевчани | Ное 15, 2024
Општина Вевчани се приклучува на кампањата „Општина на дланка“.
Со задоволство ја објавуваме нашата поддршка за кампањата „Општина на дланка“, иницијатива која има за цел да ја зголеми транспарентноста и отчетноста во локалната самоуправа преку подобрена употреба на општинските веб-страници.
Кампањата е подготвена од Проектот на УСАИД за зајакнување на капацитетите за искористување на ресурсите во соработка со Министерството за локална самоуправа. Нашата општина активно соработува со овој проект со цел:
- Подобрување на управувањето со општинските јавни финансии;
- Поефикасно планирање и извршување на буџетот;
- Зголемување на фискалната транспарентност и отчетност;
- Унапредување на прибирањето приходи од сопствени извори;
- Поголем пристап до надворешни извори на финансирање;
- Создавање услови за вклучување на приватниот сектор.
Целта на кампањата „Општина на дланка“ е да ги информира граѓаните и бизнисите за нивните права и обврски, како и да им обезбеди полесен пристап до општинските услуги.
Во рамките на кампањата, редовно ќе ги ажурираме нашите комуникациски канали со нови информации во надлежност на општината кои ќе ги поттикнат граѓаните да учествуваат во процесите на одлучување и да бидат активно информирани за функционирањето на општината.
Ги покануваме сите граѓани и заинтересирани страни да се приклучат на оваа иницијатива и да ја поддржат кампањата, која ќе ја зголеми транспарентноста и отчетноста во локалната самоуправа.
Посетете ја веб-страницата на општината, пребарајте и добијте ги потребните информации.
Вклучете се во креирање на транспарентна општина.
Дознајте повеќе за:
Општина на дланка (мк)
by Општина Вевчани | Ное 12, 2024
Континуирано превземаме мерки за унапредување на водната инфраструктура во општина Вевчани.
️ Во завршна фаза сме со градежните активности околу реконструкцијата (бетонирањето) на еден од главните канали за наводнување кој поминува низ Вевчани.
https://vevcani.gov.mk/wp-content/uploads/2024/11/AQNc9fs3cDZNZj5jxMtvov3_jwcjwcWhz4U7AvYlooEp5UsUAw4QvG76uMV2f9J3Hsq122ZXNuRGm4pPob2dLWyM-1.mp4
