Вевчански карневал 2023

by | Дек 29, 2022

Вевчански карневал – најпознатиот бренд на Македонија традиционално на 12-ти, 13-ти и 14 Јануари
Нема потреба од премногу објаснување и асоцијации, штом се спомене Вевчани, веројатно веднаш на сите им асоцира на ВЕВЧАНСКИОТ КАРНЕВАЛ, кој традиционално се организира пред Василица.
Така е со векови, а можеби и со милениуми, една од најстарите традиции на Македонија и  Вевчани која се претпоставува дека има континуитет најмалку 1500 години.
Пишани извори сведочат дека карневалот е стар најмалку 1.460 години, но постојат археолошки наоди кои упатуваат на податоци дека карневалот постои барем 2200 години. Денес карневалот е интересно и необично преплетување на пагански со христијански обичаи. Традиционално, учесниците се обидуваат да избегнат воведување на современи карневалски елементи, но веќе години наназад има и богата музичка програма.
На 12-ти Јануари веќе традиционално се организира програма од забавна музика, на 13-ти од народна музика и сето тоа испреплетено со традиционалното дефиле на маски, кое завршува со палење на маските на 14-ти Јануари.

Подготовките за Вевчанскиот карневал се веќе започнати, а од Општина Вевчани најавуваат прекрасно издание со одлична програма која ќе ги задоволи вкусовите на сите посетители и учесници.

Развој на конгресниот туризам во Вевчани

by | Ное 24, 2022

Општина Вевчани работи посветено на развој на конгресниот туризам, преку промоција и организирање настани во Мултикултурниот Центар.

Во конгресната сала во тек е работилницата “Одржливо управување на отпадот на локално ниво” организирана од Здружението на локални управни органи и региони на Шведска (SALAR)

Преставници од локалната самоуправа и бизнис секторот на регионална конференција за одржлив туризам и зелени дестинации во организација на Туристичка организација Тиват, Црна Гора.

by | Ное 15, 2022

Изборот на општина Вевчани за една од најдобрите Топ 100 Приказни за Зелени Дестинации за 2022 година ја отвара можноста за соработка со други општини и туристички организации од регионот.

Преставници од локалната самоуправа и бизнис секторот кој се заинтересирани да бидат дел од програмата за сертифицирање на зелени бизниси учествуваат на регионална конференција за одржлив туризам и зелени дестинации во организација на Туристичка организација Тиват, Црна Гора. Одржливото управување и развојот на општина Вевчани како зелена дестинација е една од главните стратешки определби на општина Вевчани.