Започна изградбата на пешачка патека „ПУПИНИ – КУКОЈ„

Градоначалникот Јанкоски денес беше на увид на отпочнување на работите на пешачката патека „Пупини – Кукој„.

Пешачката патека е исто тека дел од проектот „Вевчани без кал„ финансирана е со средства од  Бирото за рамномерен развој. Истата ќе биде обложена со камени плочи во автентичен стил. Вевчани полека го добива својот автентичен изглед.

Одржан маршот до Вевчанска локва “ПО СТАПКИТЕ НА ЗАБОРАВЕНИТЕ”

Денес градоначалникот Сашо Јанкоски  имаше воведно обраќање за можностите на Вевчани и регионот под мото; “Дојди во Вевчани, запознај го регионот” на настанот и маршот до Вевчанска голина и Вевчанска локва кој беше организиран од фондацијата Фридрих Еберт и Македонско еколошко друштво МЕД.

 

 

 

 

На овој настан свое обраќање имаа и директорот на ФЕС господинот Рене Шле, директорката на МЕД Робертина Брајановска и Каја Шукова Државен секретар во Министерството за животна средина. Со свое присуство не почестија и директорката на ПОНТ Миријам Де Конинг, Аница Палацо од ГИЗ и многу, многу други учесници на овој прекрасно организиран марш.

 

Отворањето на изложбата на уметнички слики “МЕТАКОСМИЈА”

Градоначалникот на Општина Вевчани Сашо Јанкоски денес присуствуваваше на отворањето на изложбата на уметнички слики “МЕТАКОСМИЈА” на двајцата врвни академски сликари мр.Ангела Спировска и мр.Владо Мукоски, во новиот Туристички центар – Вевчани.
Тој одржа и поздравен говор до присутните и до авторите на оваа изложба.
Оваа изложба за прв пат се излага во Македонија, откако претходно беше изложена во Културениот центар во Софија.
Вевчани повторно си го враќа сјајот на културната мапа на државава.

Започнуваме со изградба на локална улица „Каланој 1„

Денес заедно со изведувачот и стручните служби на општина Вевчани градоначалникот на општина Вевчани, Сашо Јанкоски беше на терен на одпочнување и на оваа локална уличка Каланој 1.

Средствата за изградба на оваа локална улица се обезбедени преку Бирото за рамномерен регионален развој и истата ќе биде поплочена со бехатон елементи.

Градоначалникот Јанкоски на увид на отпочнување на „ПЛУШКОЈ 1„

Денес градоначалникот Јанкоски заедно со стручната служба на општина Вевчани беше на отпочнување со изградба на локалната улица „ПЛУШКОЈ 1„.

И оваа улица е дел од проектот „Вевчани без кал„ и се гради со средства обезбедени од преку Бирото за рамномерен регионален развој. Истата ќе биде поплочена со камени плочи во автентичен стил.

Вевчани на мапата на светски познатата HIGHLANDER авантура.

👉Вевчани со своите убавини и недопрената 🐻🐗🐿🦔природа полека станува топ дестинација за планински туризам. Денес градоначалникот на општина Вевчани Сашо Јанкоски заедно со ренџерската служба беше во посета на кампот во месноста Голина – (Вевчанска локва) каде планинарите од Хрватска и Словенија ќе ја поминат ноќта и утре изутрина ќе заминат према Горна Белица и Вишни.
Гостите беа воодушевени од планината Јабланица и недопрената природа и најавија дека и до година повторно ќе се вратат тука.