Известување од Кризниот штаб на Општина Вевчани!!!

by | Апр 8, 2020

Во просториите на Општина Вевчани во насока на справување со состојбата настаната со Корона вирусот се одржа состанок на Општинскиот кризен штаб на општина Вевчани, на кој беа донесени заклучоци кои ги пренесуваме во продолжение:

 Заклучоци од одржан состанок на Кризниот штаб на Општина Вевчани

На одржаниот состанок на Кризниот штаб на Општина Вевчани за превенција и справување со Корона вирусот Ковид 19, во согласност со  мерките и препораките на Владата на Република Северна Македонија за ограничено движење, беа донесени следните заклучоци:

  • Се упатува известување до сите маркети и економски оператори на територијата на Општина Вевчани кои се регистрирани за он-лајн продажба, дека ќе може да вршат достава на намирници за итни и неодложни потреби за време на Полицискиот час во текот на викендот. Истите задолжително мора да испратат барање до Кризниот штаб на Општина Вевчани на следната електронска адреса [email protected]. Ќе биде дозволено движење на максимум 5 вработени лица (доставувачи) од маркет, кои треба да имаат соодветна заштитна опрема.
  • Се известувааат маркетите и економските опрератори кои ќе достават барање за дозвола за работа за време на полициски час да достават и свој контакт преку кој граѓаните ќе можат да вршат нарачки а истиот ќе биде објавен на веб страната на општина Вевчани vevcani.gov.mk .
  • Се упатува известување до сите Аптеки на територијата на општина Вевчани кои ќе работат за време на полицискиот час за време на викендот, задолжително да ги испратат потребните податоци на електронска адреса [email protected] .Ова е потребно за навремена координација со мобилните тимови на Општина Вевчани.

Во продолжение на оваа објава граѓаните може да ги преземат обрасците за Барање дозвола за движење за време на полициски час и Барање дозвола за работа за време на полициски час како и образец за Дозвола за движење на вработен поради вршење на сменска и ноќна работа.

Овие обрасци преку Општинскиот кризен штаб се доставуваат до МВР (надлежен за издавање на дозволите).

Дополнително, се известуваат граѓаните на општина Вевчани дека авто-превозникот „Сприја“ – Вевчани ќе врши превоз на патници почнувајќи од 06:30 часот (Вевчани – Струга) до 15:00 часот (Струга – Вевчани) од понеделник до петок. Сабота и недела нема да врши превоз согласно уредбата на Владата.

Барање дозвола за движење во полициски час

Барање дозвола за работа во полициски час

Дозвола за движење на вработен поради вршење на сменска и ноќна работа 

 

Општина Вевчани набави нова тракторска прскалка за спроведување на оперативните мерки

by | Мар 31, 2020

За подобро справување со пандемијата на вирусот Ковид19, а во согласност со препораките и задолжувањата на Владата и Централниот кризен штаб, општина Вевчани набави нова тракторска прскалка за поефикасно и побрзо дезинфицирање на улиците во Вевчани.

Во согласност со оперативниот план на општината за дезинфекција и справување со состојбата предизвикана од корона вирусот Ковид19, прскалката ќе биде ставена во функција почнувајќи од утре од страна на ЈП „Еремја“ Вевчани.

Апелираме до граѓаните на општина Вевчани да останат дома и да ги почитуваат насоките на Владата, а институциите во општината и понатаму ќе превземаат активности за справување со вирусот.

Соопштение за работно време на општина Вевчани

by | Мар 27, 2020

  • Се известуваат граѓаните на општина Вевчани дека поради кризната состојба предизвикана од вирусот КОВИД-19, а согласно препораките и мерките на Владата за спречување на опасноста од ширење и зараза со Ковид – 19 вирусот, од 30.03.2020 година општинската администрација ќе работи со скратено работно време, од 08:00 до 13:00 часот, секој работен ден и со намален број на вработени.
  • Работно време од 8:00 до 13:00 часот ќе важи се до наредни насоки на погоре наведените надлежни институции.
  • Во општината ќе можат да влегуваат само странки, кои имаат итни и неодложни работи во однос на општината, при што задолжително на влезот да ги дезинфицираат рацете и обувките со дезинфикационо средство.
  • Градоначалникот и службите на општината остануваат достапни за итни потреби на граѓаните, додека локалната самоуправа продолжува со работа на тековните проекти.
  • АПЕЛИРАМЕ граѓаните на минимум да ги редуцираат своите активности во однос на локалната самоуправа (освен за итни и неодложни работи) и своите контакти со општината да ги остваруваат телефонски или електронски, преку активните телефонски линии на општината и мобилните општински тимови, како и веб сервисите на општината.

Поплочување на улицата „Стванци 2“

by | Мар 21, 2020

Градежните активности во Вевчани продолжуваат и во моментов се врши поплочување на уличката „Стванци 2“. Средствата се обезбедени преку Агенција за финансиска поддршка во земјоделството и рурален развој во рамките на проектот во кој се вклучени и улиците „Даскалој – Обиколница“, „Алулој – Гогој“ и „ Сервисна С4 – фаза 1“.

Пробивање и проширување на патот “Пелвец – Стредорци” – пристап до земјоделските земјишта

by | Мар 20, 2020

Во рамките на градежните активности во општина Вевчани денес одпочнавме со пробивање и проширување на патот “Пелвец – Стредорци”. Ова е многу значаен пат за пристап до земјоделски земјишта, а воедно е уште еден од проектите на градоначалникот Сашо Јанкоски ветени во изборната програма како пристапни патишта до земјоделско земјиште.
Со пробивање на овој пат се отвара можност повторно да се обработува земјоделско земјиште кое гравитира на овој пат и се подобрува состојбата со пристапните патишта до земјоделските земјишта на територијата на општина Вевчани.

Апел за самоизолација и следење на мерките и одлуките на Владата во врска со Ковид-19

by | Мар 19, 2020

Градоначалникот на општина Вевчани, Сашо Јанкоски испрати апел до граѓаните на општината а особено до лицата кои се враќаат во Вевчани од ризичните подрачја зафатени со корона вирусот, Веднаш по доаѓањето во Вевчани да ги следат мерките и одлуките на Владата, да останат во своите домови во самоизолација во наредните 14 дена, да користат заштитни маски и ракавици како би ги заштитиле прво своите најблиски, а потоа и останатите жители на Вевчани.

Непочитување на овие мерки ги носи во опасност сите, а казните за истите ќе бидат ригорозни и високи. Иако не треба да има место за паника, превенцијата е секогаш подобра од лечењето. Доколку имате информации за граѓани за кои сте сигурни дека дошле во последниве неколку дена од кризни подрачја а не ги почитуваат препораките за самоизолација, веднаш известете ги надлежните институции кои треба да превземат соодветни мерки.

По донесените насоки на Општинскиот кризен штаб и Општина Вевчани, ЈП Еремја почна да ги спроведува мерките за дезинфекција. Продолжуваме со спроведување на мерките за заштита од корона вирусот.

✔️ Денес после завршување на пазарниот ден, по донесените заклучоци на Општинскиот кризен штаб, Ј.П.Еремја детално го дезинфицира и го исчисти пазарот и центарот на Вевчани.
Апелираме на сите граѓани на Вевчани, да ги следат и применуваат мерките на Министерството за здравство и Владата.

✔️ Останете дома и заштитете се
✔️ Да го чуваме јавното здравје