Годишна приредба по повод патрониот празник во ООУ„Страшо Пинџур“ Вевчани

by Општина Вевчани | Мар 5, 2020

Денес градоначалникот на општина Вевчани г-дин Сашо Јанкоски присуствуваше на годишната приредба по повод патрониот празник на ООУ „Страшо Пинџур“ – Вевчани.

Основното училиште во кое денес учат нашите деца го носи името на Страшо Пинџур – дипломиран правник од Белградскиот Унирвезитет, роден на 04 март 1915 година, а починал на 04 јануари 1943 година, како последица на страшни измачувања во Скопскиот затвор.

Честитки до вработените во основното училиште кои заедно со децата организираа и приредија одлична приредба по повод одбележувањето на денот на раѓање на Страшо Пинџур.

Нека е честит патронатот на ООУ „ Страшо Пинџур“ – Вевчани.

Обезбедени нови средства за локални патишта

by Општина Вевчани | Мар 2, 2020

Градоначалникот на општина Вевчани, Сашо Јанкоски денес присуствуваше на свечениот настан во Владата на Република Северна Македонија, по повод потпишување на  Меморандум за разбирање за Проект за поврзување на локални патишта, помеѓу Министерството за транспорт и врски и општина Вевчани.

Во рамките на овој проект општина Вевчани доби средствата во износ од 541.313,00 ЕВРА, обезбедени од Меѓународната банка за обнова и развој – Светска Банка.

Целта на проектот е проширување на соработката и партнерството помеѓу Министерствот за транспорт и врски и Општина Вевчани заради зајакнување на капацитетите на општината и Владата во процесот на управување со локалната патна мрежа, подобрување на квалитетот и безбедноста на локалните патишта и подобрување на пристапот на граѓаните до објектите од јавен интерес.

Советниците учествуваат на обуките – „Зајакнување на општинските совети“

by Општина Вевчани | Фев 28, 2020

Денес советниците на општина Вевчани присуствуваа на обуката „Управување со обврски и долгови, набавки и приходи“ која се одржа во Крушево. Обуките кои се спроведуваат се во рамките на проектот „Зајакнување на општинските совети“ спроведуван од Програма за развој на обединетите нации – УНДП, а финансиран од Швајцарската агенција за развој и соработка (SDC), проект вреден 3,4 милиони швајцарски франци.

Во месец февруари дел од советниците на општина Вевчани завршија два модули кои се однесуваа на модул 1: „Улогата на општинските совети во доброто управување“ и модул 2: „Процес на буџетирање, носење на буџет и негово извршување“. Партнери во проектот се Министерството за локална самоуправа, Министерството зa финансии, Заедницата на единиците на локалната самоуправа, Здружение на финансиски работници и UN Women.

По успешното спроведување на проектот годинава општина Вевчани ќе добие два гранта – 50.000 швајцарски франци за приоритетни проекти кои ќе ги изберат граѓаните преку форумски сесии и 12.000 швајцарски франци за имплементација на иновативни IT решенија за зголемување на транспарентноста и отчетноста на општините и работата на Советот, а ќе се овозможи и учеството на граѓаните во носењето одлуки на локално ниво.

Советниците веќе посетуваат обуки за планирање и трошење за општинскиот буџет во рамки на истиот проект, а во месец март ќе бидат спроведени првите две форумски сесии на кои граѓаните ќе имаат можност да ги предложат приоритетните проекти што со тие средства ќе бидат имплементирани.