Вчера, 24.07.2022 ( Недела ) година во Дом на култура – Вевчани се одигра претставата за деца Шушавко, мајмунот и снежната кралица на Интимен театар од Битола. Децата уживаа во прекрасната претстава.
Утре, 26.07.2022г. ( Вторник ) во Мултикултурниот центар „ Коста Србакоски“ со почеток во 20:30 часот свој конецрт ќе одржи Аница Нелоска – пијано во класата на проф. Верица Давитарова. Гости на концертот ќе бидат Јана Блажевска – сопран и Марко Китаноски – гитара.
Вчера, 20.07.2022 година во Мултикултурниот ценар “Коста Србакоски” беше отворена изложбата на дела од првата Детска ликовна школа “Вевчански видувања” 2022. Свое обраќање имаше организацискиот секретар на “Вевчански видувања” – Ефимија Угриновска Кукоска која се заблагодари на присутните и ја прогласи изложбата за отворена. Делата ќе бидат изложени во прекрасните галериски простории до 14 август.
Со претставници од АГЕЦИЈА ЗА ПРОМОЦИЈА И ПОДДРШКА НА ТУРИЗМОТ дискутиравме за досегашните реализирани активности и можности за идна соработка. Договорено е зајакнување на меѓусебната соработка и комуникација, како и формирање на работна група за развој на идни проекти и програми од областа на туризмот и промоција на туристичките локалитети на Општина Вевчани.
Утре, 20.07.2022 ( Среда ) во Мултикултурниот центар „ Коста Србакоски “ – Вевчани во 20 : 00 часот ќе се отвори изложбата на уметничките дела од Детската Ликовна Школа која годинава се одржа во рамките на ликовната колонија „ Вевчански видувања “ . Изложбата е дел од манифестацијата „ Вевчанско лето “ во организација на Здружението „ Вевчани Турист Инфо “ а под покровителство на Општина Вевчани
